اخواني بغيت منكم طلب والي اعرفته عنكم ناس شهمين وما تردون حد 
بغيت حد يشرحلي المصفوفات >> استاذنا طمطمه وانا فرحان بعمري داخل علمي
واذا مره مافيه حد يعرف يشرح .
اي حد يعرف رقم استاذ للرياضيات يعطيني رقمه .
ومشكوووورين لكل الي دخل الموضوع .
بس أخاف يكون ذكر اسم المعهد مخالف للقوانين؟؟
ما حصلت غير رد واحد وما استفد منه شي
مشكوره اختي هاجر
يالله مع السلامة والسموحه شكل طلبي يعبل عليكم حته الدخول فيه
مع السلامة
اخوي ,, اذا انت من الشارجة شيء دروس تقوية لكل المواد في مدرسة القاسمية ."عصرا" ,, و هذا تحت اشراف منطقة الشارجة و رخصية وااايد …..و يبون لك احسن و افضل الاساتذة .
لكل منطقة تعليمية مكان للدروس الخصوصية اتصل بالمنطقة الخاصة بك و بيخبرونك .
اخووي توكلت على الله السموحه منك يا اخووي بس انت تعرف بالحال كل واحد مشغول بدراسته
اووكي يا اخووي انا بشرحلك
اوووكي المصفوفات فيهاا دروس كثيره كثيره
يعني المصفوفات نفسها وفيه جمع المصفوفات وفيه طرح المصفوفات وجمعها ومصفوفة الوحده والمصفوفه العكسية
المصفوفتان متساويتان : اذا فقط كان لهما رتبه الابعاد نفسها وكان عنصراهما المتناظران متساويان
يعني شوف يا اخوي يعني هم مصفوفتين وكل وحده فيها عناصر الاولى فيها 4 ارقام والثانية فيها 2 رقمين
بنقول انها غير متساويه ، لانه الرتبه مختلفة
الرتبة الي اهي ضرب الاعمده فالصفوف .
ورتبة الاول مثلا بتكون 2 ×2 ، بس رتبه الثانية بتكون 2 ، 1
يعني جيه
اما عن عناصرهما المنتاظره يعني يوم بيتساون الرتبتين في المصفوفتين بنقارن من بينهم مثلا اول رقم على اليمين 2 لازم الرقم الاول على اليمين فالمصفوفه الثانية لازم بعد يكون 2
فهمت الحين يا اخووي
شوف هذا الشرح بس مقدمه للمصفوفات
اذا تبي شي محدد قوله وان شاء الله ما بقصر فشرحي لك
واسمك وايد حلو يا اخووي ( توكلت على الله ) واتمنى تستمر ويانا
ان شاء الله ينتقل لقسم الرياضيات
ومشكوور زود يا ولد عمي وان شاء الله بقدر اردها لك .. بس فديتك اذا ما عليك كلافه بغيت شرح لمصفوفه الوحده
ومشكوورين مره ثانية >> ولا ان شاء الله شكلي مطول فقعدتي وياكم 