طلب : قصة زرقاء اليمامه للصف الثاني عشر 2024.

ممكن قصة ما للجمال مشيها وئيدا …

اذ تكرمتم…

هي قصة طويلة بس بحاول اختصرلك الاحداث .. طبعا كان ملك او حاكم الجزيره عنده بنتين نائلة و زبيبة و نائلة هي الملكة الزباء اوك طبعا فيوم من الايام و بدون سابق الانذار غدر جذيمة بملك الجزيرة و جتله فتولت من عقبه الحكم بنته نائله واللي هي الملكة الزباء و كانت تبي تجتل جذيمة و تنتقم لموت ابوها فجهزت الجيوش للحرب لكن اختها زبيبة قالت لها انه جذيمة جيشه اكبر و اقوى ولو راحتله جي اكيد مصيرها هي و الجيش الموت يعني النصر مستحيل جدام جيشه فقالت لها شو اسوي يعني فقالت لها اغويه و خليه اهو اييلج ووقتها عاد اجتليه فطرشت له رساله تطلب منه انه يزوجها لانها ما اتجوف عمرها تقدر تحكم روحها و تبي حد يكون وياها و بزواجهم بيربطون بين دولته و دولتها و بيكون الحكم مشترك بينهم و اونه بيربطون شعبهم مع بعض و ما ادري شو المهم فالجذيمة خلاص تخبل يعني وافق يزوجها و قام يجهز عمره لكن مستشاره اسمه اظن القصير كان معارض لهالفكره وشاك انه ف الموضوع فيه شي و خبر جذيمة لكن شو ما سمعه و راح عندها واظن هو كان يحبها من قبل فمن جي تخبل ووافق ع طول و ما رضى يصدق كلام مستشاره مو يقولون الحب اعمى المهم استقبلوه الناس و احتفالات و حاله استانس هو لكن فرحته ما اكتملت لانه يوم انفردوا جتلته لكن القصير عصب و بغى ينتقم لهالشي فشو ما اذكر تم يحاول يسو اشيا عسب يخليها تثق فيه بالآخر بتثق فيه و بيقولها انه شي عندهم مجوهرات و جي ويبون ماا ذكر شو يسون فيه يستغلونه ف صناعة تخلي الدولة تطور مادري المهم شي يرجع بالفايده لدوله و هو كان يايب عينات من قبل عسب يخليها تصدقه و تثق ف كلامه و تروح عندهم فوحليلها صدقته و راحت وياه و هم رادين دولتها شلت وياها نوق و بعران عسب يحملون عليهم المجوهرات ومن هناك محملين شو رياييل يعني جنود الجيش فكانوا يتحركون شوي شوي فقالت هالجمله : " ما للجمال مشيُها وئيدا .. ؟! "
أجندلاً يحملن أم حديدا .. ؟!" و عقب طبعا قدر الجيش يخترق اسوار دولتها و جيشها بفضل الخطه الذكيه و اما عن موتها ف اللي يقول انها بلعت خاتمها انتحرت يعني و ف اللي يقول انه القصير ذبحها و ايد روايات انذكرت عن موتها بس انشالله اكون وصلتلك المغزى .. و السمووحه منك اخويه

يعني هي مستغربه انه الزمول ماشين شوي شوي و هم الا شالين مجوهرات يعني شي ما هو بطبيعي فمن جي قالتها و السبب صرت تعرفه شرات ما قتلك لانها كانت مب محمله مجوهرات بجنود الجيش .. يلا و السموحه اذا بذر مني اي تقصير ..

مشكورة ياحاقدة

مشكورة حبيبتي الله يعطيج العافية